Thanthi Publications. Product Reviews. விதியை மாற்றும் 40 சித்தர்கள். Vithiyai Matrum 40 Sithargal
 

விதியை மாற்றும் 40 சித்தர்கள்

No reviews

சித்தர்கள் என்றதும் அடர்ந்த காடுகளுக்குள் வாழ்பவர்கள், அதிசயங்களை செய்பவர்கள் என்றுதான் பெரும்பாலானவர்கள் நினைக்கிறார்கள். உண்மையில் சித்த புருஷர்கள் நமது கர்மாவை போக்குபவர்கள். நமது தலைவிதியை மாற்றி அமைக்கும் மகிமையைப் பெற்றவர்கள். சித்தர்களைப் பற்றி முழுமையாகத் தெரிந்து கொண்டால்தான் இந்த யதார்த்த உண்மை புரியும்.
இதற்கு ஆயிரம், இரண்டாயிரம் ஆண்டுகளுக்கு முன்பு வாழ்ந்து, வரலாறாகி விட்ட சித்தர்களின் அற்புதங்களை மட்டுமே படிக்க வேண்டும் என்பதில்லை. சமீபத்திய, கடந்த 200 ஆண்டுகளுக்குள் வாழ்ந்து பல்லாயிரக்கணக்கானவர்களின் விதியை மாற்றிய சித்த புருஷர்களையும் படிக்க வேண்டும். அப்போதுதான் சித்தர்களின் உண்மையான ஆற்றலை தெரிந்து கொள்ள முடியும்.
ஆனால் கடந்த 200 ஆண்டுகளுக்குள் தமிழகத்தில் வாழ்ந்து, முக்தியான சித்தர்கள் பற்றிய முழுமையான குறிப்புகள் பதிவாகாமலே உள்ளது. இந்த குறையை நிவர்த்தி செய்யும் வகையில் “விதியை மாற்றும் 40 சித்தர்கள்” நூலை எழுத்தாளரும், பத்திரிகையாளருமான செ.செந்தில்குமார் எழுதியுள்ளார். ஜீவ சமாதிகளில் வாழும் மகான்களின் அதிசய பெட்டகமாக இந்த புத்தகம் திகழ்கிறது.
சித்தர்களின் ஜீவ சமாதிகளுக்கு எப்படி செல்ல வேண்டும், எப்படி வழிபட வேண்டும், அதன் மூலம் எத்தகைய பலன்களைப் பெற முடியும் என்ற தகவல்களையும் இந்த புத்தகத்தில் காண முடிகிறது.

Delivery: 1-2 days
₹150.00
வகை: ஆன்மிகம்

ஆண்டு 2019
பக்கங்கள் 288
பதிப்பு முதல் பதிப்பு
பொருள் ஆன்மீகம்
மொழி தமிழ்
ISBN No 9788193938058
செ.செந்தில் குமார்

இந்நூலின் ஆசிரியர் செ. செந்தில்குமார். இவர் தமிழ்நாட்டின் நம்பர் - 1 மாலை நாளிதழான சென்னை மாலைமலரில் பொறுப்பாசிரியராக பணிபுரிந்து வருகிறார். பத்திரிகைத் துறையில் சுமார் 30 ஆண்டுகள் அனுபவம் பெற்றவர். திருச்செந்தூர் ஆதித்தனார் கல்லூரியில் படிக்கும்போது கேம்பஸ் நியூஸ் இதழில் ஏராளமான கதைகள், கட்டுரைகள் எழுதியுள்ளார். ராணி வார இதழில் துணை ஆசிரியராக பணிபுரிந்த போது, வேலூர் சிறையில் உள்ள பெண் கொலையாளிகள் பற்றி ஆய்வு செய்து, பெண் கைதிகளின் உண்மை கதையைத் தொடராக எழுதினார். அமானுஷ்யம் தொடர்பான ஆவியே நில் கொல் என்றொரு தொடர் எழுதியுள்ளார். கொல்லிமலை குள்ளன் என்ற சிறுவர் கதையை சிந்து எனும் புனைப்பெயரில் படைத்துள்ளார். தற்போது மாலைமலரில் சீரடி சாய்பாபா தொடர், ராணி வார இதழில் வெளிச்சத்துக்கு வரும் சித்தர்கள் தொடர் எழுதியுள்ளார்.

Daily Thanthi Publication
*
*
*